馬灣釣魚-23.9.2015

23.9.2015早上去馬灣樂意茶餐廳食早餐，再乘亞成快艇出海釣魚，船長話長洲伶叮海域近來好少魚釣到，倒不如在馬灣一帶海域釣，我地信哂佢，中午前真是收獲差，好彩船長肯周圍巡。中午過後左釣釣右釣釣，夾夾埋埋都釣到十幾斤魚，天氣非常熱，我手錶顯示有35.2度，好彩買多了幾支樽裝水先捱得住，有兩位隊友頂唔順，二話不說跳落水解熱。我支新竿發市，釣到條唔夠一斤細鱗，今日釣到不同類型的魚，細鱗、花梅頭、或仔、牛鰍、青斑、赤立、黃腳立、浦魚等等，以牛鰍體積較大，但最神奇是釣到隻瀨尿蝦。總算是快樂的一天，船長越來越難約，又要睇天氣和魚開唔開口，釣唔釣到魚真是睇彩數。一句話，七分運氣三分技術。

寶成船長61841678