西貢艇釣 - 東水多驚喜

密密手之餘有驚喜, 釣過東水真係返唔到轉頭。

上星期日出西貢艇釣,本身諗住都係去釣鮫魚,但一朝早去到碼頭比我地撞到有師兄已經拖完埋岸,一問之下原來佢地成船得4條,當堂個心涼左一半,釣曝光水都係得4條,我地8點幾出肯定毛都冇條啦。

但一場嚟到冇理由唔試架嘛, 照樣飛出七星排試下。其實出到去都仲有唔少艇向度 jig 緊,於是拿拿臨去試兩槍,結果係點大家都估到啦。

釣左一陣之後大家轉工具釣魚仔。出七星排嘅原因係呢排見D師兄向附近釣到大黃腳同花䱛,有好嘢梗係唔可以執輸啦!

Set 好竿落餌幾分鐘都冇,同艇偉哥已經即時上條良條大花䱛,羨慕死人!好彩我都唔輸蝕連中幾條石䱛過下手癮。

當日吹西南風,好難得出到去都冇乜風浪,正當大家享受緊日光浴個陣偉哥一臉緊張話︰呢條可能要撈基!我仲向度估係D咩魚要撈基,一睇之下不得了,原來係一條大黃腳,陽光之下條魚銀光閃閃,正呀!更離譜嘅事仲向後面,偉哥中完條黃腳幾分鐘都冇,竟然又上多條...

向度唔劇透太多啦,大家有興趣的話請睇下片啦 :)


Background Music:
BACK IN SUMMER by Nicolai Heidlas Music https://soundcloud.com/nicolai-heidlas
Creative Commons — Attribution 3.0 Unported— CC BY 3.0
http://creativecommons.org/licenses/b...
Music provided by Audio Library https://youtu.be/sGsC98vR4Q4